Hordhac
Qormo cilmiyeedkaan waxaan ku iftiimin doonaa halka
iyo boogta ay katahay bukaan socodka hadayny umadda Soomaaliyeed; taasoo aan
ilaa haatan aysan jirin cid madax banana oo si cilmiyaysan wax uga qortay halka
rasmiga ah ee ay umadaasi ka xagal daacsantahay. Sidaas awgeed ayaa igu
kaliftay inaan ka qoro qoraal bilaw u ah daraasad dheer oo aan ku sameeyey
bulshadaas, taasoo aan qayb ka ahaa ilaa intii aan garaadsaday.
Sidaad ula socotid waydiinta kor ku xusan ee aan
cinwaanka uga dhigay qormadaan, jawaabteedu maahan mid si sahal ah aan uga
gunkaari karno inagoo aan saamayn cilmi baaris dhab ah oo hanaan madax banana
lagu sameeyey; anigoo taas niyada ku haya ayaan waxa aan isku dayayaa inaan
hoga tusaalayn kooban ka bixiyo warcelinta waydiinta cinwaanka u ah
qormadaydan, anigoo kaashanaya waayaha aan ku dhex noolaa bulshadaas iyo
aqoonta aan uleeyahay cilmiga bulshada.
Waa Maxay Bulsho?
Marka loo tixgalianayo Maclver (1882-1970), wuxuu ku qeexay bulshadu inay tahay mareeg ka
kooban xiriir ka dhexeeya dadyaw, taasoo
marwalba isbadasha.
Hadii aynu si faahfaahsan u dhigno qeexitaanka guud ee
macnaha erayga bulsho wuxuu isku koobsanayaa: inuuyahay ururka ugu balaaran ee
kulmiya ash-khaasta, kuwaasoo wadajir uwada nool, lehna dan guud, dhaqan,
nadaam bulsheed iyo baahiyo guud ee dhanka nolosha ah.
Bulsho-noocee ah weeye Soomaalidu?
Waxajira jaadad kala gad-gadisan oo bulshayahanadu
ukala abla-ableeyaan noocyada bulshooyinka kuwaas oo ubaahan qorma gaar ah,
balse haatan waxaynu qoraalkaan ku beegsanaynaa nooca bulsho ay Soomaalidu
tahay.
Asal ahaan Soomaalidu waa dad reer guuraa ubadan (59.97%) waa reer miyi anagoo
tixraacayna warbixinta World Bank (2016).
Astaamaha bulshada reer miyiga:
- Waa dad qabiilku ku waynyahay isuguna xiran qaab qabiileed anagoo tixraacayna astaamihii uu Ibnu khulduun (1332-1406) ku sifeeyey bulshada reer miyiga ah.
- Waa dad dhaqankooda ku adag Ibnu khulduun (1332-1406).
- Waa dad diintu ku wayntahay Emile Durkheim (1858-1917).
- waa dad aan xirfado badan lahayn Emile Durkheim (1858-1917).
- Waa dad aad isugu duuban Emile Durkheim (1858-1917).
Astaamaha
aan kor kusoo xusay ee ay bulshayahanadii hore ay ku asteeyeen bulshada reer
miyiga ah waa kuwa ukeenaya bulshada Soomaaliyeed inay qabyaaladu noqoto
dabarka ugu muhiimsan ee isku haya.
Sidookale
ay noqdaan bulsho xagjirnimadu kubadanatahy, xagjirimadu maahan mid ka timaada
dhanka diinta kaliya; xagjirnimadu waa fikir saamayn ku yeesha dhanwalba oo
nolosha insaanka kamid ah, waxayna kasoo bilaabantaa dhanka dhaqanka; maadaama
dhaqanka Soomaalidu uu yahay mid salka ku haya qabiil, taasoo qabiil walba uu
asagu isku arko inuu yahay midka ugu mudnaanta mudan dhankasta oo nolosha kamid
ah qabaailka kalana ay yihiin kuwa asaga ka hayb hoosaysa (Ethnocentrism).
Qeexitaanka Dawlad
“Nadaamkaas
siyaasadeed oo ay samaysteen daganayaasha dhul cayiman iyo xukuumada
dhulkaas ayaa ah dawlad” – Robert Alan
Dahl, Ph.D (Professor Maraykan ah oo dhiga culuumta siyaasada, dhashay
1915)
Iyadoo faah-faahsan “Dawladdu waa isku qoofalnaanta
dad dagan dhul cayiman kuwaasoo ku hoos nool nadaam xukuumadeed isla markaasna
leh madax banaani”.
Farqiga udhexeeya Bulshada iyo Dawladda.
Waxaa jira farqi wayn oo udhexeeya labada faham ee
kala ah Bulsho iyo Dawlad kaasoo dadka badankiis ay isku qaldaan, sidookale
waxa jira xiriir qoto dheer oo ka dhexeeya labadaas faham. Marka aynu
is-barbardhig ku samayno labadaas faham ayaynu awood buuxda u yeelan doonaa
inaynu abbaarno war-celinta waydiinta cinwaanka u ah qormo cilmiyeedkaan.
Bulsho
|
Dawlad
|
Bulshadu waa wax si lama filaan ah isku badasha
dhanka kobaca iyo hormarka.
|
Dawladu badanaa waa nadaam fadhiya lehna xuduud jaan
go`an.
|
qaabka bulshadu waa kan sawira sameeyana dawladda.
|
Dawladdu waa makhluuqa iyo adeegaha bulshada.
|
Bulshadu waxay hormarisaa ururada bulshada iyo
xiriirka bulshada.
|
Dawladdu waxay maamushaa oo ay riixdaa kuwaas iyadoo
kaashanaysa siyaasada iyo xeerarka.
|
Qaabka bulshadu waa mid kala jiidma wuxuuna ku
salaysanyahay iskaa wax uqabso iyo iskaashi ka dhexeeya xubnaha bulshadaas.
|
Qaabka dawladu waa mid aad u adag, ficiladeedudna
waxay ku salaysanyihiin farsamo, waxayna awood ku leedahay bulshadeeda.
|
Bulsha kastaa waxay ku tiirsanatahy dhaqankeeda,
qiyamkeeda iyo xubnaheeda.
|
Dawlad kastaa waxay ku tiirsantahay bulshadeeda.
|
Hadaba haatan qofkasta oo si dhab ah udheegtay shaxda
aynu ku kala saarnay labada faham ee bulsho iyo dawlad wuxuu si fudud u
ogaankara halka ay bulshada Soomaaliyeed bukaan socodka katahay.
Dawlad
walba waxay ka fal-celisaa nooca bulsho ee ay leedahay, balse bulsho walba kama
Bulsho nadaamsan=Dawlad nadaamsan.
Bulsho kala daadsan=Dawlad kala daadsan.
Dawladdu marwalba waa ku tiirsane, halka bulshakasta
tahay mida dawladoodu ay ku tiirsanatahay.
Maxay Bulsha ahaan Soomaalidu ugu jirantahay?
Soomaalidu
maahan dad bulsho ahaan uliidata, oo taas waxa cadayn uah sida ay u bad-baadeen
dawlad la’aan kadib markii ay dawladii dhexe ee ciidanku ay bur-burtay 1991.
Waxa kaloo la`oran karaa waa sababta bulshadu ugu muhiimsantahy dawlada, oo
dadku dawlad la`aan way noolaan karaan, balse bulsho ahaan lama noolaan karo,
hadaba waxay su`aashu tahay side bulsho ahaan Soomaalidu ugu jirantahay?
War-celintu
waxay noqon qofkasta caafimaad qabkiisu wuxuu ku xiranyahay xiliga iyo goobta
uu joogo, tusaale hadii lagu geeyo meel hawo sare ah waxa aad kaanaysa inaad
heshid xadiga oksigiinta (oxygen) ta ee ay sanbabkaadu qaadanayaan. Sidaas si
lamid ah bulsha kasta waxa ku dhaca isbadal sida ay qabaan bulshayahanadu.
Ibnukhulduun (1332-1406) wuxuu
aaminsayahay bulsha walba inay xili kobacdo xilina hormarto xilina ay
bur-burto.
Sidaas
darteed bulsha kasta xili iyo goob ayay ku tahay mid hormarsan sidaas silamid
ah xili iyo goob ayay kutahay mid sabool ka ah nolosha.
Hadaba aan
iftiinsho amuuraha bulshada Soomaaliyeed jahwareerka ukeenay ee ay la
jirantahay:
Dag-dag: way adagatahy
inaad cunto miro cayriin, sidookale halmar aad fuuqsato koob shaaha oo aad
ukulul, ama uu ALLE ukeeni waayay dunida ilmo 30 jir ah; waa sababta aynu
waxkasta nadaamka ugu samayno si wax walba xiligooda loogu dhamaystiro.
Ujeedkaygu wuxuu yahay bulshada Soomaaliyeed waxa ay aad ugu dagdageen inay
xoriyad iyo madaxbanaani dawladeed la wareegaan sanadkii 1960kii, ayagoo aanan
ubislayn nadaam talis iyo ismamulid dawladeed; taasina waa sababta ukeentay
inay halmar si dhakhsoleh u hormareen (Revolutionary) ay hadana si hoobad ah u
bur-bureen, maah-maah Soomaaliyeed baa ahayd “Geedkii orod loogu koro, orod baa
looga dagaa.
Laqabsi xumo: Soomaalidu
waxay asal ahaan kasoo jeeday bulsho reer guuraa ah kuwaas oo kusoo caano
maalay nadaamkoodii reer guuraa nimada ay iska soo dhaxlayeen fac ilaa fac
hadana ay ku dhaqanyihiin nadaamkoos oo qabiilku u ahaa laf dhabar; maxaa
yeelay waxa caado ka ahayd gayiga Soomaalida in xoola dhaqatadu ay geela kala
dhacdo, sidookale dhuldaaqsimeedka, ceelasha iyo dumarkaba; si marka aad intaas
u ilaashatid ama aad udhacdid waxaad ubaahantahay qabiil xoog leh oo aad ku
tolontahay waa sababta loo adeegsado erayga tol; kaasoo macnihiisu yahay isku
duubni iyo dabar abtiriseed isku haya intii ab-wadaag ahba. Waxay Soomaalidu
nadaamkaas ku baraartaba waxa yimid xiligii dawladnimad kaasoo ubaahan
laqabsigiisa iyo fahamkiisa, taasina waxay ubaahantahy oo shuruud u ah in
isbedel qoto dheer lagu sameeyo qaab dhismeedka, shaqada, iyo xiriirka
bulshadaas ka dhexeeyaba.
3 Jahli: aqoontu waa tan
keenta ilbaxnimada iyo fahamka nolosha, hadaysan aqooni jirin way adagtahay
inaad faham fiican ka qaadatid waayaha noloshii hore ee insaanka iyo waayahay
aad hada ku nooshahay sidookale aad sahmisid waayaha kugu soo fooda leh. Waa
sababta keentay inay bulshada Soomaaliyeed ula jaan qaadi waayeen nolosha
casriga ah ee ku dhisan cilmiga; taasoo ka anfici lahayd inay bulsho ahaan u
hormaraan kadibna ay gaareen heerka ilbaxnimada ee inlays maamulo dawladna la
yeesho, talana la wadaago.
Seef laboodnimo: Soomaalidu waa
dad caadifiyiin ah sababtuna waa reer miyinimada iyo diinta, dadka reer miyiga
ahi waa dad dhaqankooda ku adag oo aanan dulqaad ulahayn dhaqan kale oo
baadiyeed, sidookale diintu wayku adagyihiin, waa sababta keenaysa inaysan
dulqaad ulahyn diimaha ayaga baadida ku ah; taasina waxay si aan ula kac ahayn
udhalinaysaa dhaqan seeflaboodnimo maxaa yeelay majirto jawi dulqaad keeni kara
oo qofku ku dhagaysto afkaarta kasoo horka jeeda.
Muxuu yahay xalku?
Hada waxynu
ogaanay halka dabayshu kaga soodhacayso Soomaalida inay tahay bulsho ahaan oo
aysan u nadaamsanayn, taasoo si kama ah u sababaysa in dawlad ahaan loo
fashilmo. Hadaba aan bidhaamin toos ah ku sameeyo qodobada asaasiga u ah in
bulshadaasi noqoto mid nadaamsan oo hanankarta hormarkeeda.
Waxa jira
tiirar asaasi u ah bulshakasta oo ay ku taagantahay kuwaasoo ubaahan in si wada
jir ah loo hormariyo si ay uwada shaqeeyaan ugu danbayna u qaabeeyaan nadaamka
iyo isdhexgalka bulshadaas waxaana mid-mid u dul istaagi doonaa kuwaas iyaga
ah.
Qoyska: qoysku waa
bud-dhiga iyo aasaaska nolosha aadmiga waana halka uu aadanuhu kasoo bilaabmay,
waana ubucda bulshadu kasoo bilaabmanto; sidaas darteed hormarkuna asaguu ka
bilaabmaa, hadii aynu doonayno inaynu hormarino bulshada Soomaaliyeed waa
inaynu diirada saarnaa hormarinta qoyska; sidaas silamid ah si aynu qoyska u
hormarino waa in xooga lasaaraa gogosha qoyska taasoo ah haweenka, si aynu
haweenka u hormarinana waa inaynu hormarinaa gabdhaha maanta oo ah hooyooyinka
berri; hormarintooduna wax aka bilaabmaysaa in xaquuqdooda loo dhamaystiro lana
dhawro. Maxaa yeelay gabar caafimaad qabta ayaa noqota hooyo caafimaad qabta,
hooyo caafimaad qabtana waxay dhashaa ubad caafimaad qaba.
Diinta: diintu waa
hagaha damiirka insaanka, waana dhawrtada qiyamka iyo anshaxa bulsha kasta,
hadaba diintoo si khaldan loo fahmaa waxay keeni kartaa bu-bur aan la mahdin,
iyo xag-jirnimo ciribtirta nolosha bulsho ee dhaqan-dhaqaale. Sidookale diintoo
si qoto-dheer loo fahmaa waxay keeni kartaa hormar bulsho; sidaas darteed Soomaalidu
waa inay ka waantoobaan afkaarta xag-jirnimada ay ukeeneen wadaadada kutub
gaabta ah; kuwaasoo fahan foorara ka haysta fikirka balaaran ee diinta
Islaamka, sidookale waa in lakala saaraa dawladnimada iyo dinta; si looga
bad-baado isku milan horkici kara qalalaase siyaasadeed iyo xasilooni daro
bulsho.
Waxbarashada: waxbarashadu
waa tiir asaasi u ah haykalka bulsho kasta waana qiyaas bixiya laga dheehdo
xadiga iyo cabirka hormareed ee bulsho gaartay ama ay gaari rabto. Waana tiirka
hormarka insaanka Sidaas darteed bulshada Soomaaliyeed waxa laga doonaya inay
hormarshaan kuna bixiyaan qiimaha ugu badan waxbarashada halka ay xooga
saarayaan meelaha kale, sidookale ay dhiiri galiyaan waxbarshada gabdhaha iyo
mida farsamada gacanta; ogowna aqoonkasta waxay salka ku haysaa afkaar iyo
qorshayaal dadban oo bulsha kasto hiigsanayso ama ay rabto inay ku xanbaarto
jiilkeeda sookacaya si ay ugaarsiiyeen goobta ay sahansadeen ayagu. Hadeer heerka dadka wax akhriya waxna qoray ee
da`doodu ka wayntahay Soomaalida waa (37.8%),
sida ay warbixinteeda sanadlaha kusoo saartay haayada aduunka uqaabilsan
waxbarashada ee (UNESCO,2018). Sida
kuu muuqata waad dareemi kartaa heerka aqoon xumadu bulshadaas ka joogto waliba
qorid iyo akhrin luuqada hooyo ah kaliya. Sidookale in xooga la saaro hor
marinta barnaamij waxbarasho oo midaysan kaasoo leh manhaj midaysan oo ka tur
jumaya danaha Soomaalida.
4
Dhaqaalaha: dhaqaaluhu waa
halbeeg lagu cabiro barwaaqada bulsho gaartay, sidookale waa tiirka ugu
muhiimsan hormarka dal iyo dad, dhaqaalaha Soomaalidu wuxuuna ku tiirsanyahay
dhoofinta xoolaha nool, mana laha wax soosaarkale oo ay dibada udhoofiyaan.
Sida (World Bank 2018), qiyaaseen
waxsoosaarka guud ee gudaha dalka Soomaliya GDP waa (6.2 billion). Taasoo ah nasiibdaro bulshadaas haysata una baahan
in siwada jir ah waxlooga qabto kordhinta ilaha dhaqaale ee dalka, sida
kaluumaysiga, beerashada; kuwaasoo ubaahan kaabayaal dhaqaale ooh hormarsan
sida jidad, dakado, iyo suuqyo waa wayn. Sidookale in lays dhexgasho nadaamka
dhaqaale ee dalka oo gobolada dalka oo dhan si siman loo wada gaarsiiyo.
5
Siyaasadda: siyaasadu waa
nadaamka maamulka dawliga ah, awoodaha iyo go`aamada masiiriga ah. Waana tan la
rabo inay masuul ka noqoto jihaynta afarta tiir ee kale una adeegto danaha
bulshadaas. Hadii siyaasaddu aysan xasilin way adagtahay in hormar lasameeyo,
sidookale iyadoon bulshada dib u habyn lagu samayn qaabkeeda iyo xiriirka ka
dhexeeya xubnahaheeda iyo shaqada bulshadaas; way adagatahay in xasilooni iyo
faham siyaasadeed oo midaysan la helaa. Nadaamka siyaasadeed ee bulshada
Soomaaliyeedna inta uu ku dhisanyahay qabiilka marnaba dhici mayso in laysku
fahmo siyaasada iyo awoodaha, maxaa yeelay qabiilku wuxuu udub dhexaad uyahay
nadaam nololeedka miyiga, balse magaalada waa uu jah wareerin; taa badalkeeda
magaalooyinka iyo nolosha casriga ah waxa udub dhexaad u ah waa siyaasada oo
loo simanyahay rag iyo dumar gobol ilaa gobol; maxaa yeelay magaalada wax loo
wada daganyahay nadaam daneed kaasoo isku khasbaya intii isku dan ah, tusaale
intii isku dhaqaale ahba waa daris; waana halkaas meesha ay siyaasadu ka bilaabmayso.
Taa badalkeeda miyiga waxa loo wada daganyahay yaa isku hayb ah ama isku qabiil
ah kaasoo dadka isugu tola isir ahaan.
Gunaanad
Sidaan bilawgii qormada uga
afeeftay inaysn dhici Karin in laga baxsho war-celin waydiinta cinwaanka u ah
qormo cilmiyeedkeen iyadoo aan la helin daraasad madax banaan oo qoto dheer
taasoo u heli karta warcelin buuxda waydiintaas, hada aan anigu isku dayay
inaan bidhaamin bilaw ah kasii bixiyo halka sararta Soomaalidu ay ka qurun
santahay iyo daawaynta boogtaasba, maadaama aan ahay arday wax kabarta culuumta
bulshada kaasoo ah dhakhtar bulsho.
Hadaba waxa aan kusoo afjaraya qormo
cilmiyeedkaan, Soomaalidu waxay ubaahantahay dib usixid bulsho iyo dib
unadaamin aan ku salysnayn laablakac iyo dag-dag ama kacdoon si kama ah u dhaca
(Revolutionary), balse taa badalkeeda loo baahanyahay isbadal bulsho oo ku
yimaada qaab kas ah (Evolutionary), macnaha qaab qorshaysan oo ku yimaada tala
wadaag iyo xeel-dheeri kaasoo saamayn dadban iyo mid toosanba ku yeelanaya hab
nololeedka dhamaan bulshada Soomaaliyeed, qaabkaas oo leh sahan balaaran oo cad
kaasoo qorshihiisu ka bilaabmayo jiilka da’ doodu ka hoosayso 16 jirka kaasoo ah 50% tirade bulshada Soomaaliyeed siduu sheegay (Worldometers, 2018), kuwaas oo u baahan jihayn fikiri iyo mid aqooneed
si uu unoqdo jiilka lafdhabarta unoqda hormarka bulshada Soomaaliyeed.
No comments:
Post a Comment